تسريبات "الاختيار3" تظهر فلسفة "السيسي" في الحكم من خلال نصيحته لـ"الشاطر"

كانت "بوابة روزاليوسف" قد نشرت التسريبات في مسلسل الاختيار 3 من الحلقة الأولى وحتى الخامسة عشر، واليوم ننشر تقريرًا عن باقي التسريبات من الحلقة السادسة عشر وحتى الحلقة الأخيرة.

 

عرضت الحلقة 16 من مسلسل "الاختيار 3" الذي يعرض هذا العام تحت عنوان "القرار"، تسريبا يجمع القيادي بالإخوان حينها محمد مرسي بحضور مرشد الجماعة الإرهابية محمد بديع، وهو يتحدث عن الإخواني الهارب أيمن نور رئيس حزب الغد حينها.

في التسريب يقول مرسي: شوف أيمن نور ده بيتحايل على إن أنا أقول لإخواننا يعفو عنه وبتاع ومش عارف.. الحكم بتاعه. يجمعهم في بيته تلات أربع خمس مرات يجيب 50 60 70 واحد.. ويقعد يرتب معاهم ليوم 25 حاجة مش ممكن بني آدم عجيب الشكل.

المرشد: مبتعظش أبدا حصل إيه يوم 25؟ مشهد في العالم كله بيقولوا أحسن من يوم 25 الأولاني. مجهزين نفسهم لما شوية عيال يعملوا حاجة صغيرة كده يروح مكبرها.

مرسي: عمر عفيفي اتصل من أمريكا وقال مش عارف إيه وخطة الهجوم على الميدان إيه الكلام ده فهو بيستعبط والتاني والتالت 4،5،6،7، معروفين.

 

مسلسل "الاختيار 3” دراما فريدة من نوعها تتناول فترة عصيبة عاشها المصريون في ظل زمن جماعة الإخوان الإرهابية تحت قيادة الرئيس محمد مرسي.

ويعرض المسلسل وثائق ومقاطع فيديو حقيقية تكشف الوضع المأساوي الذي عاشته مصر في هذه الفترة، وسط سياق درامي يتضمن تسلسل الأحداث منذ تولي الجماعة الحكم حتى الرحيل بثورة في جميع شوارع مصر 30 يونيو 2013. وتناولت الحلقة السابقة من مسلسل الاختيار 3 تسجيلا يظهر فيه القيادي بالإخوان محمد مرسي ومرشد الجماعة الإرهابية محمد بديع، وهو يتحدث عن القيادي بحركة 6 إبريل أحمد ماهر.

عرضت الحلقة 17 من مسلسل "الاختيار 3"، مساء أمس الاثنين، تسريبا خطيرا بين محمد مرسى، والقيادي الإخوانى خيرت الشاطر.

وقال الشاطر في التسريب نصا: "يعنى هم دلوقتى اتقالهم بمنتهى الوضوح مفيش حاجة اسمها تحالف بين الإخوان والنور، ده مرفوض وهيعملنا مشكلة كبيرة في مصر وهي استقطاب الإسلاميين، وغير الإسلاميين، دلوقتى إحنا نتبنى مبادرة تيار وائتلاف واسع جدا فيه كل من يرغب الانضمام له ممن مثل في مجلس الشعب، وانتوا هتبقوا موجودين جوه هذا الكيان أهلا وسهلا".

 

وأضاف: "متجيش تقولى لا ده الوفد علمانى تقولى ده الكتلة مش عارف إيه، تقولى إيه.. تقولى إيه، كان من الأول قبل الانتخابات كانوا رافضين ده وإزاى خرجوا من التحالف السياسي وده عشان الوفد"، ليرد مرسى: "هموا.. عملوا بالنصيحة أوى، فراحوا نيلوها من الناحية التانية".

 

واستطرد خيرت الشاطر: "لا على فكرة ده محمد نور بيشتغل لوحده" ليعقب مرسى: "محمد نور جه قعد جنب عماد وهو قاعد معايا، أيوه بس عماد كان يقولى مالوش دعوة محمد نور".

 

ورد خيرت الشاطر: "قالوا كلام كويس عن القعدة اللى حضرها عماد، أنا عرفت جاتلى معلومات أكيده"، ليعقب محمد مرسى: "محمد نور قالى قبل كده أنا وهشام مصطفى كنا بنشتغل في تنظيم قبل كده وكنا بنتعامل مع أمن الدولة، بس أنا بطلت مش عارف هشام بطَّل ولا لأ، يعنى أنا الكلام منسيتهوش الكلام ده من شهرين، وبعدين عمال يلعب في كل حاجة محمد نور".

وقال الشاطر: "على فكرة متجوز أجنبية كمان، هو بيلعب صح، بس هما يعنى حتى المؤتمر الأخير اللى عامله ده راح هو حضر، ده لوحده"، ورد مرسى: "ده عاملين هيئة عشان مراقبة البرلمان يا باشمهندس ده شغل جنان رسمي"، ليعقب خيرت الشاطر: "ما هو ده محمد نور، محمد نور وعصام سلطان ومجموعة من الأفراد"، وتابع مرسى: "لأ والمصريين الأحرار"، ليرد الشاطر: "آه طب ما لازم".

وجاء في الحلقة الـ 18 من مسلسل "الاختيار 3" تسريب جديد يتحدث خلال محمد مرسي للقيادي خيرت الشاطر قائلا: "النهاردة بتوع اللجان قاعدين وكلهم عاوزين لجنة العلاقات الخارجية. محمد أنور السادات عايز لجنة العلاقات الخارجية.

والدنيا مهدودة هو ورامي لكح. هم عارفين أن رامي في المخابرات ومحمد أنور مع الإسرائيليين يعني حافظينها". وتابع مرسي: “هو من زمان قالي بيني وبينه أنا هادخل الانتخابات. من قبل الانتخابات قال لجنة العلاقات الخارجية محمد أنور السادات وبعدين على فكرة هو إمكانيته المهارية مش كبيرة مش عالية".

 

في حين شهدت الحلقة 19 من مسلسل الاختيار 3، تسريبا جديدا للإخواني خيرت الشاطر في نهاية الحلقة، في ظل وجود المعزول محمد مرسي حينها، حيث ظهر الشاطر في التسريب يتحدث عن عبد المنعم أبو الفتوح.

 

وقال خيرت الشاطر في التسريب:" الدكتور عبد المنعم الآن له موقف، إحنا كجماعة واخدين قرار استراتيجي بأن لا يكون لنا مرشح للرئاسة وإحنا بنقول هذا الكلام من عدة اعتبارات، منها الاعتبار اللي حضرتك تفضلت بالإشارة إليه إن إحنا جزء من منظومة دولية فلازم أنا دلوقتي مكررش مأساة غزة هنا وحماس".

 

وأضاف الشاطر:" نمرة 2 أنا مدرك إن مشكلة مصر الآن وأزمتها، لا يمكن أي فصيل يعرف يشيلها لوحده لازم الكل يحط إيده في إيد بعض، فلو أنا جيت وفرضت نفسي وقلت أنا هقدم مرشح للرئاسة وحشدت الناس راحت انتخبته، فأنا خلاص يعني يعني حفزت ضد كل اللي ممكن عايز يتحفز، طب ما أنا اشتغل من ورا أو اشتغل بشكل جزئي لو الظروف سمحت، وأحد إيدي في إيد الكل".

وتابع الشاطر: "على الأقل على ما يجربني مرة أو اتنين ويصدق إن أنا مش هدفي الحكم عبد المنعم له توجه إن هو عايز ينزل رئيس جمهورية فواخد خط، ف إنت يا دكتور يحيى بتدعيه بصفته إيه؟ وتحطه هو والا اثنين وعصام وتدي إحساس إن دول الإخوان واخد بال حضرتك وسايبنا إحنا كلنا".

 

وعرضت الحلقة الـ 20 من مسلسل الاختيار 3، تسريبًا للقيادي الإخواني محمد مرسي وخيرت الشاطر، نائب مرشد الإرهابية تضمن هجوما على عصام سلطان، القيادي بحزب الوسط الداعم للإخوان، المحبوس على ذمة قضايا إرهاب.

وفي التسريب يقول خيرت الشاطر:هو عصام مش عاقل أصلا في عداوته مش عاقل طبيعة شخصيته كده، عصام سلطان بس هو كان رئيس اتحاد الطلبة وعامل إنه زعيم، وبعدين إحنا إشكاليتنا الرئيسية معاه، بس منقدرش نعلنها صراحة إنه لما فتح مكتب محامي كان عندنا أدلة إنه بيدي رشاوي وكده فمينفعش أخلاقيا بغض النظر إنك تتفق سياسيا إنك تتعامل معاه تحت أي ظرف، زي واحد زنا بقى مينفعش تقول عليه إخوان مسلمين مرسي: هو خد فلوس منين؟ 

 

خيرت الشاطر يكمل:  أو واحد سرق أو وخلافه فهو كان عنده انحرافات قوية  بس إحنا مش أسلوبنا بقي إن إحنا نقعد نتكلم في موضوعات مرسي:خد فلوس لما سافر إيران خد فلوس، وبعدين ده واحد جايبلي الوصل اللي غير بيه الفلوس حتى في مكتب من المكاتب .

 

 وعرضت الحلقة 21 من مسلسل "الاختيار 3" تسريبًا جديدًا تحدث فيه وزير الدفاع عبد الفتاح السيسي، إلى كل من خيرت الشاطر نائب المرشد في جماعة الإخوان ومحمد مرسي.

وقال "السيسي" في التسريب: "إحنا أحرص الناس وأولى الناس على أن ميكونش في لا إصابات ولا عدم استقرار في مصر، لكن الواقع اللي على الأرض غير كدا، الواقع اللي على الأرض بيستهدف ده، وإن معرفش يجيلك في الميدان النهاردة هيجيلك في حتة تانية، الانتخابات بكرة، يضرب حد بالنار ضابط أو عسكري عشان يعمل حاجة تانية يروح جاي على الكنائس يا دكتور سعد خلال الكام يوم الجايين الاحتفالات بتاعة المسيحيين، سواء اللي قبل أو بعد ديسمبر أو يناير عشان يعمل حاجة تالتة، دا مش موضوع محتاج بس جهد أقل من كده، دا محتاج جهد أمني وجهد منكم، ما هي مبادرة الإخوان لحل المسألة اللي إحنا فيها دي؟

ليكم مبادرة تعملوها، أنتو قوة على الأرض وليكم مكانتكم ولكم قدرتكم وكفاءتكم ولكم تقلكم، اللي ميعملهاش يبقى بيتخلي عن المسؤولية، ويقولك خلاص كدا.. حالة الفهم الموجودة عندنا عن الموقف وأسبابه دي مسؤولية أمام ربنا.. المواطن العادي ميفهمش ولا يقدر يعمل.. لكن أنا فاهم وأقدر أعمل".

 

شهدت الحلقة 22 من مسلسل الاحتيار 3، إذاعة تسريبا جديدا للقيادي الإخواني خيرت الشاطر، عن المستشار عبد المجيد محمود النائب العام الأسبق.     

 وخلال "الاختيار 3 الحلقة 22"؛ يقول الشاطر في التسريب: "جيلي أنا، والناس اللي تعاملت مع عبد المجيد محمود في تاريخه الطويل كله، أو مع عادل عبد السلام جمعة كقاضي، كلنا لا نثق في هؤلاء الناس ولا بنسبة واحد في المليون".

كما شهدت الحلقة 23 من مسلسل الاختيار 3، إذاعة تسريبا جديدا للقيادي الإخواني خيرت الشاطر، يتحدث خطة للتخلص من الإعلاميين وأصحاب القنوات المعارضة. وخلال "الاختيار 3 الحلقة 23"؛ يقول الشاطر في التسريب: "أنا مش بطلب من حضرتك دلوقتي هاته حاكمه، عشان ربما سياسيًا ودوليًا الكلام مع واحد زي ساويرس أو بتاع هيتفسر بطريقة تانية، إنما على الأقل أخلي الجهات القضائية بس تبدأ تستدعي، تبدأ تحرك القضية من طرف خفي".

 

أضاف: "أحمد بهجت عليه أكثر من 4 مليار جنيه في البنك الأهلي، واخد بال حضرتك، ما هو مش معقول أنا أسيبه يحول قناته لشغل الهد في البلد، برضو مبقولش أعدمه، ولا أعمل أي حاجة فيه لأ، أنا واقعي في حلولي وكل حاجة.. مش صدامي.. بمنتهى البساطة أبدأ بس أخلي البنك يقول أنت خلاص مدفعتش ومعادك فات وإحنا مضطرين نحط إيدينا على ممتلكاتك وعلى القناة وعلى وعلى وعلى".

 

وشهدت الحلقة 24 من مسلسل الاختيار 3، إذاعة تسريبا جديدا لمرشد جماعة الإخوان محمد بديع، يشيد خلاله بالرئيس المعزول محمد مرسي.

وخلال "الاختيار 3 الحلقة 24"؛ قال بديع في التسريب عن مرسي: "لما أقول إن ربنا سبحانه وتعالى كرمنا إحنا كإخوان بيه، مش هقول شهادتنا إحنا لأن شهادتنا ممكن تبقى مجروحة عشان إحنا بنحبه،

رئيس الوزراء الإيطالي، السفير الإيطالي اللي قالي الكلام ده، جه زارني وكان يومها طالب إنه يقابلني فوالله كنت مسافر كان عندي امتحانات في الجامعة منتدب للدراسات العليا، قالي أنا كنت عايز أخلي رئيس الوزراء يقولك الكلام ده بنفسه، قولتله كلام إيه؟ قالي إحنا روحنا زورنا الدكتور محمد مرسي، أنا كنت متصور إن الدكتور محمد مرسي أستاذ في الهندسة، فلقيته.. رئيس الوزراء بتاعنا رجل اقتصاد، دردش مع الدكتور محمد في الاقتصاد، فبيقولي أنا أهنئكم إن عندكم واحد زي الدكتور محمد مرسي، الكلام ده قبل الترشيح، أهنئكم إن عندكم واحد زي الدكتور محمد مرسي، لأن رئيس الوزراء اللي بيحب الاقتصاد ومتخصص فيه أعجب جدا بأفكار د. محمد الاقتصادية".

 

أضاف: "ده بقي كلام خارج القيم والأخلاقيات لأنهم ماختبروهش فيها، القيم والأخلاقيات دي اللي هي عمود الإنسان، اللي ببركته ربنا بيوفقه، ده بينه وبين ربنا، كون إن ربنا سبحانه وتعالى يختار لمصر رئيس بهذا الشكل ولا أزكيه على الله، ربنا رايد للبلد دي خير". 

كشفت أحداث الحلقة ٢٥ من مسلسل الاختيار ٣، تسريبا جديدا لخيرت الشاطر يتحدث فيه عن الإعلام ورد حازم من الفريق أول عبدالفتاح السيسي وزير الدفاع.

وقال خيرت الشاطر في التسريب "أنا النهاردة القنوات الفضائية الرئيسية مملوكة لرجال أعمال، وحضرتك تعرف أكتر مني إن دول استفادوا من النظام السابق أكتر من أي حد، أنا في قناعتي الشخصية أنهم ليسوا أصحاب مصلحة في استقرار الأوضاع في البلاد، وأنهم من مصلحتهم إن الأمور تمشي في اتجاه الفوضى وعدم الاستقرار، لأن هم ممكن ملفاتهم تتفتح، فللأسف مع الانفتاح اللي حصل في الفترة الأخيرة في الإعلام، الاعلام ده شغال، كان زمان بيبقى موجه من بعض أجهزة الدولة زي جهاز أمن الدولة أو غيرها، أو من بعض أجهزة النظام دلوقتي موجه من لمصلحة أصحابه بشكل مباشر في جزء كبير منه، ويمكن يكون البعض كمان مخترق عالميا بشكل أو بآخر زي ما حضرتك عارف بالتالي هم مولعين البلد دلوقتي إعلاميا".

 

ليرد عليه وزير الدفاع الفريق أول عبد الفتاح السيسي قائلا: بيقولك لا الإعلام الإسلامي مش كده، الإعلام الإسلامي مش كده ولا أنا مش واخد بالي؟! الإعلام الإسلامي مش كده يا باشمهندس من الكدب والتلفيق والفتنة، وهنظبطه دلوقتي، هو ده ، ده اللي الناس كانت مستنياه تشوفه من القوة القادرة والفاعلة اللي جت واللي هي محسوبة على التيار، أول مرة تشوفهم بقي، فاللي هيقولوه هنقبله عشان كده انا قولتله إيه؟ لوسمحت متتعاملش بأدبيات وثقافة الماضي يا دكتور كتاتني، وشوفوا الناس عايزة منكم ايه حقيقة عشان يدركوا وزنكم الحقيقى.

 

وشهدت الحلقة 27  من مسلسل "الاختيار 3"  تسريبا يتحدث فيه نائب مرشد جماعة الإخوان الإرهابية خيرت الشاطر، مع القيادي الإخوان محمد مرسي عن فترة انتخابات الرئاسة 2012.

 

ويقول محمد مرسي  في التسريب:يعني إخونا في حزب النور خدوا أكتر من 8 ملاين صوت، أيوة يعني إحنا وصلنا 15 هما خدوا 8 رقم .. رقم فإذا اقتنعوا بواحد زي الشيخ حازم مثلا هيدخلوه إعادة إنت بتتكلم عن حالة  

خيرت الشاطر: بس أنا بدأت حوار طويل معاهم في الحكاية دي برضو دلوقتي 

مرسي: يعني هيزيد جزء

 

 الشاطر: يعني مش هيدوله صوتهم لأ هي المشكلة مش في حازم المشكلة إن راسه متركبة إن لازم يكون إسلامي يعني إقناعهم بغير حازم سهل بس المهم إن أنت تديله بديل إسلامي مش إنت متدلوش، يعني بلاش حازم

 مرسي: مفيش بديل إسلامي مناسب خد بالك هي طريقة تفكيرهم، هم معندوهمش أفق واسع  خيرت الشاطر: زي ما قولت لحضرتك المرة اللي فاتت والإشكالية إن المزاج العام للناخب المصري الآن إسلامي فالتحدي الحقيقي إن إحنا لو وقفنا، ودي أزمة عندنا مش بقولها على إن يعني هي إحنا بنسوق لفكرة تانية لأ ده إحنا فعلا في ورطة كلنا دلوقتي لأن الشخصية دي قدام الشخصيات الإسلامية المطروحة هتبقى فرص نجاحها مش عالي، لأن المزاج العام كده، كذا وسبعين في المية من الناس

 مرسي:ممكن تلاقي العوا نجح مثلا

الشاطر العوا سهل ياريت العوا مش مشكلة.. لأ حازم حازم هو اللي هينجح كل الاستطلاعات دلوقتي الموجودة  كلها جايبنها كلها نمرة واحد 

مرسي: تصور إنت لما يبقى حازم 

  كما عرضت الحلقة الـ 28 من مسلسل الاختيار3 تسريبا جديدا يجمع خيرت الشاطر نائب المرشد في جماعة الإخوان والرئيس عبدالفتاح السيسي يعود تاريخه للفترة بين"2011- 2013".

أبرز تسريب يكشف فلسفة الرئيس السيسي في الحكم: اللي يخاف ما يحكمش 

خلال " الحلقة 28" من المسلسل، يقول السيسي للشاطر في التسريب: "اللي يخاف ما يحكمش"، يعقب الشاطر: «لأ طبعا القضية مش قضية خوف.. مش خوف"، يقاطعها السيسي قائلا: "لا لا لا لا معلش الكلمة دي أنا دايما أقولها.. اللي عايز يعمل إنجاز حقيقي، وده الناس اللي بتقفز ببلادها، بيشوف مواطن العوار والخراب فين ويروح داخل عليها بلا تردد وبدون ظلم "، يختتم الشاطر مؤكدا: "طبعا".